احم احم السلام عليكم هاذي طبعا اول موشااااركه لي <<<<<اخلصي بس
حبيت اقولكم موقف صارلي وربي احرررررااااج المهم مره من مرة المرات كنت انا طفشانه حيل وكان وقته برمضان واناس تقضي للعيد واحنا لسااع امي ماقالت يلا بنات قومو السوق المووهم رحت لمي وجلست انصب عليها واقولها يمه كل البنات قضو الا احنا واحنا وش ناقصنا العيد جا وماقضينا خلاص خلي الناس يتشمتون فينا<<<<<كل هاذى عشان السووق يمه منا
الا امي ترد لا ماعاش الي يتشمت يلا قومو نفعت الخطه رحت بشرت اختي وتجهزنا <<<ليه وين رايحين
وبعدين اخترنا المجمع الي نبيه ومع زحمة الشوارع والدنيا مختبصه قالت امي شوفو يابنات ما ابي اسمع وحده تقول لبسها ضيق ولا واسع ولا موحلو انا قلت وخلاص كل وحده ماتخرج الا قايسه ومقتنعه ترى مافي رجعه بلقوووه دخلنا
دخلنا المجمع وحنا طايرييين من الفرح
واقول وش بشتري لخيتو واختي تحب فيني وتقول الله يخليك اقنعتي امي
بعدين رحنا محل الملابس التنانير والبلايز وشفت ذيك التنوره الي خقيت عندها وقلت لختي شوفي مقاسي قالت والله علا ما اضن ايه وقلت والله امي مي مرجعتني خليني اقيسها سالت العامل قال مافي غرف تغيير ابتلشت
ويين اروح الا الجهه الي حنا فيها مافيها احد غير انا واختي الدنيا امااان وسكوون وهدوو قلت لختي انتي احرسي وانا البس بس اشوه لابسه بنطال مافصخته للامان
رحت واحاول البسه وما جا ضيق قلت لختي ابي اكبر جابت واحد واحاول البسه
وطلع كبيير وجابت واحد مقااسي ومادرينا الا جا مطووووووع الا انا واختي خايفااات واختي تقوول والله الهيئه وامي تحت فدور الاول مافيها حيل تتطلع يااااربي وش نسوي
ورحت بتنوره تحت العبايه حشى الي يشوفني يقول سارقتها لا وتحت تحتها البنطلون واختي تضحك وتبكي الا وتجي حرمه ومعه طفل واشوووه طلعت جوزته
اشوووه مو من الهيئه ونستناه يروح وماراح وانا مختبصه بنزل التنوره يااربي وش اسوي واقفات
الا بعد نص ساعه يروحوون رحت فصخت التنوره وطبقتها وبعد ماقضينا خلاص نزلنا لامي والكاشير وللاسف الكاشير سعودي مزيوون وداق الشخصيه الا انا خاااقه عنده ومبلمه مستحيه<<<<<الي يشوفك يقوول بيخطبكي
وبعدين مادريت الا اختي شهقت شهقه تلفتو الناس والمحاسبين فوقتني رحت وخبطها خبطه خليتها زي كذى الا امي تقول يابنت وش فيكي وختي قالت ولا شي قلتلها عمى وجع وش ذى حمار الحمار مايشهق كذى بس ترى كل هاذى في اذنها عشان المزيوون <<<ندري اخلصي
قالت اختي طالعي فوق وهي تضحك ودموعها تنزل وطالعت وياليتني رحت وماطالعت وش تتوقعووون
الكاميرات محوطه المجمع كله وبتحديد مكاني الي اقيس فيه يعني شافوني كلهم المحاسبين علا الناس ولتفت للمحاسب وااااااااه لقيته مبتسم وانا بنفجر وجري علا السياره ابكي اهي اهي
ويافرحه ماتمت يلا اترككم مع التقييم وردود والله الله اول موشاركه مايبيلها توصيه
منتدى تجريبي
